قاسية ليه ؟؟؟؟؟
...................
قاسية ليه يا دنيا قاسية
قاسية ليه ؟؟؟؟؟
ذنبى ايه طب ماانتى راسية
ذنبى ايه ؟؟؟؟؟؟
للحمول بتشيلينى وتتعبنى يا دنيا ليه
للحمول بتشيلينى ما انتى عارفة
سنى ايه ؟؟؟؟؟؟
ليه يا دنيا بتتعبينى
خدت منك لسه ايه ؟؟؟؟؟؟
طب شلينى وهننينى وامسحيلى دمع عينى
اللى جويا وفراقهم هدنى وعجزلى حيلى
بعد ابويا وامى فيكى
مين يا دنيا اللى شرينى ؟؟؟؟؟؟
طبطبى وحنى عليا ولدموعى امسحيلى
ليه بتطفى يا دنيا شمعى ؟؟؟؟؟؟
وللحمول بتشيلينى
غاويه حزنى وغاويه دمعى ؟؟؟؟؟؟
وفى الحوارى تبيتينى
مش عتاب ولا حتى لوم
ولا يوم هكون شاريكى
ولو هعيش ايامى صوم
مش هبوس ابدا ايديكى
مين فى قلبه لسه راحمه
وجوه منه رغبة ليكى
كله عايش جوه زحمه
وانا واحد من اللى فيكى
يا من الله تيجى رحمة
يا ياخد الكل بيكى
وهعيش اللى بقيلى
رافع الراس ومعاديكى
دنيا فانيه ومش غاويكى
رابح اللى يعاديكى
خاسر اللى يشتريكى
ورغم يتمى واحتياجى
مش هبوس ابدا ايديكى
قاسية ليه ؟؟؟؟؟
بقلم محمد البلاط
ليست هناك تعليقات:
إرسال تعليق