عاش حياتو راضى انه يكون حمار
يركبوه يضربوه يسوقوه ليل نهار
راضى يتعلق فى ساقية راضى يشرب المرار
راضى لما فى سنه يكبر يضربوه بالفين عيار
راضى للكلاب تجره جثه مطليه بغبار
راضى يخدوا منه جلده يعملوه طبله و تار
ايه اللى جد واستجد خله عقله منه طار
والنهارده عاصى انه يبقى من تانى حمار
سهل تترقى وتبقى بغل من ضمن البغال
ويجيبولك عربيه خاليه من كل الحبال
بس اوعى فى يوم تنسى الوكالة ليها صاحب
مهما تترقى وتعلى هو بردوا اللى راكب
وارضى بالمقسوم وتخده واوعى تفكر تعاتب
فيه حمار مسحوب وصاحبه باللجام هو اللى ساحب
واللى فرط سهل فيها صعب يبقى ليها صاحب
عيش حيانك راضى بيها واوعى تنسى انك حمار
بقلم محمد البلاط
ليست هناك تعليقات:
إرسال تعليق