على حسب وداد قلبى
----------؛
على حسب وداد قلبى
لا بايدى يابويا ولا ذنبى
لفيت بلاد فى هواه
ولا قولتش ع المخبى ياعين
----؛
الهوى دا صعب يا خالى
اه يابختك منه يا خالى
لا سهرت ولا قولت الآه
ولا شفتش اللى شفته ياعين
----؛
ليالى بأسهر وباغنى
جنبى ولا سائل عنى
مجروح و دوايا معاه
ومنايا أشوفه ولو بالعين
----؛
ناسينى ليه ف تفاريحه
وفاكرنى ليه ف تفاريحه
وعيوني تبكى لضناه
ويسأل ليه بكايا ياعين
----؛
سايبنى و لاهى ف حاله
و داير على عزاله
واليوم اللى بالقاه
ما يحن عليا بنظرة ياعين
----؛
على حسب وداد قلبى
لا بأيدى يابويا ولا ذنبى
لفيت بلاد فى هواه
ولا قولتش ع المخبى ياعين
------؛
بقلم / عادل شعبان
ليست هناك تعليقات:
إرسال تعليق