خلاص
مش هشوفك تاني
يا فرحة عمري لا لا
دا انت عمري
بعد ما كبرت وقولت
خلاص علي الدنيا انتصرت
. بموتك انكسرت بعد
ماحرقوا قلبي عليك
يابني
والجرح علم جوايا
من يوم ما عرفت
إنك مش هتكون ويايا
ياروح قلبي ياضنايا
ومين يابني ينن عيني
هيداويلي جروحي بعدك
وانت مش معايا دا انت يابني
ساكن جوايا ومين هيصبرني
علي بعدك. عني وفراقك
ياحبيب القلب يابني
ياغالي اه ياقلبي
دا انت كنت
كل آمالي في الدنيا
بعدك يكون في ايه تاني
حسبنا الله
ونعم الوكيل. ياناس
هو كان مكتوب علي الجبين
يبعدوك عني يا نور العين
ويخدوك
غدر الملاعين
اللي لا لهم زمه ولا دين
بس انا عندي يقين
ان النصر قريب
اكيد وحقك هيرجع
رغم كيد الحاقدين
واصرارهم علي التفجير والتخريب.
في البلد وقتل ولادنا واخواتنا
والله ما هيضيع حق
من قاتل في سبيل الله
ومؤمنه ان
الله من الشهداء قريب
ولا يمكن يضيع حق من قريب
او من بعيد والله نصره قريب
الشاعرة زينب أمين قنديل
ليست هناك تعليقات:
إرسال تعليق