سألوني يوم عن مصر
انا قلت عشقاها
بحبها جدا
ولاكنش لولاها
عنيا لون زرعها
وشعري لون شمسها
ووشي ضي القمر
وآدي صورتي وياها
في صلاتي بدعيلها
وف همي باشكيلها
وساعات ازهق واطق
واقول راح انساها
واشيلها من دمي
وارجع واقول دي امي
وبعد ما اروق واهدي
اقول يا محلاها
بحب لون وردها
واعشق عبير نيلها
والقعده علي ارضها
ونخيلها ونجيلها
وان غبت يوم عنها
تاني يوم انا اجيلها
وابوس ايديها ارتوي
وف قلبي حطاها
سالوني يوم عن مصر
انا قلت عشقاها
أشعار فاطمه خاطر
ليست هناك تعليقات:
إرسال تعليق