فينك يا مصر فينك يا حره يا طاهره
طب احنا ضعاف وبنطالب في محاكم
ولا انتي ادمنتي فيكي كلمه مظاهره
يموت فينا الاف عشان نغير الحاكم
طب مات فينا كتير وغيرناه اكتر من مره
عايزين نعيش حياتنا يا مصر تعبنا بجد
عايشين اغراب نموت في اليوم 100 مره
ومفيش حد يحكم ويوفي من وعوده بوعد
دم الشهيد يامصر بقي ارخص من ميه نيلك
وبقيتي تشكي لدول كانت بتيجي تشكيلك
ملينا من انتظار الفاروق العادل فيكي
ومع ذالك يامصر كل ما تندهينا بنجيلك
سرقوكي مننا قدام عنينا وموتو الاحلام
ويسجنو ويعتقلو اللي يقول فيكي ده ظلم
عايزين يهدو تاريخ مولود من 7000 عام
يأمنو نفسهم لانهم مش مطولين في الحكم
الشعب رخيص عندهم بيموتو فيه بجرائه
المهم يستفيدو من الكرسي باعلي مكاسب
اللي قبلهم موتو الشعب واتحكمو بالبرائه
اللي يقهر انهم رجعو فيكي لاعلي مناصب
ليه الحزن ساكن الناس وساكن الشوارع
ليه تعري فينا واحنا اللي بنصون عرضك
اشترناكي بارواحنا من ايدين اللي بايع
حتي جسه الشهيد بتفرح بدفنها في ارضك
لبستي طرحه سودا فين فستانك الابيض
وليه خيرك ليهم والهم والفقر والعزاب لينا
نيلك زكر في القران بلقائه بالبحر الابيض
وخير جنود الارض يا مصر اهو بيمتو فيا
شعبك مقصرشي يامصر وانتي احلامهم
شعبك هوا اللي حاسك وعايش جوا تعبك
احنا بنضحي بدمنا وهما بيضحو بكلامهم
مش اولي بيكي هما الاولي بيكي شعبك
وحشنا حضنك مصر والبسمه في شوارعك
وحشنا المساواه مفيش فرق واحد وواحد
وحشني اكل محصولك لان انا اللي زارعك
وحشني اشوف محمد وحنا علي طبق واحد
سمعين صوتك بقوه بيقول انا ليكم ومعاكم
شايفينك يامصر محتجالنا وماده لينا ايدكي
ولادك احرار هنرجعك لو كل يوم نغير حاكم
وحالفين ما نعيش ولانموت يامصر غير فيكي
فين الدوله اللي فيها حب وانتماء شعبها زيك
فين الشعب اللي يضحي لدولته لو شاف فيها دمعه
مفيش غيرك يا مصر ومش هيجي دول تاني زيك
فين مصر فيها صوت الكنيسه جمب خطبه الجمعه
فينك يا مصر بجد وحشتينا
قلم
محمد سالم
ليست هناك تعليقات:
إرسال تعليق