قصيدة / ( المنتهى )
بقلمى / هدى سيد
٢٠١٦/٧/٢٣
ما بقاش ما بينا غير آهات
ووجع على أحلى ذكريات
حسرة وألم على اللى فات
وصوت أنين خنقه السكات
طب إيه حصل ولا جرى
ما بقاش فيه سطور بتتقرا
وحروفنا طارت فى الفضا
والمعنى راحت زهوته
فضل السؤال بينا يدور
حيران ما لاقى ضى نور
ليه الفراغ؟ ليه الفتور؟
ما لاقى إجابة تريحه
غير استغراب على ذهول
أجمل ما فينا كان قلوب
خايفة أوووى على بعضها
فجأة نطق بينا القدر ده المنتهى
عايزين إجابة السؤال من غير جدال
ده المنتهى أيوه خلاص ده المنتهى
ما فيش جديد لحد فيكوا يقدمه
علشان ما بينكوا تدوم حلاوة حبكوا
قوموا وصلوا صلاة جنازة تخصكوا
قيموا العزا على اللى كان بينكوا زمان
يا خسارة الحب اللى كان
يرحم زمان وايام زمان
وضحكة بينكوا معشقة
وقت اللقا
ليست هناك تعليقات:
إرسال تعليق