احلى عروسة لاحلى عريس
بقلم/ حسين ابراهيم..
قيدوا الانوار
حطوا التعاليق
هاتوا ياولاد شمع الفوانيس
لموا كل الناس والعيلة
هنزف عروسة لاحلى عريس
فرحة وعامة
زيطة ولمة
في الشوارع فيالبيوت
في الحارات جوا البلكونات
حطوا الزينه علوا الرايات
خلوا الفرحه تعم
يكفانا غم..
عالرصيف
كل واحد
كل واحده
يرفع علم وفي ايده شمعه
خلوا الدنيا تشوفنا
يعرفوا
اننا حفرنا قنال زي مابنينا الهرم
مش هاننسي
وقفة اجلال واحترام
لكل جريح وكل شهيد
ال بيلملم جراحه
وال عشانه جاد بروحه
عشان يبق لينا عيد
الف تحيه ليك يا ريس
يا سيد الرجال
يال مسحت دمعه في عينينا
يال حققنا معاك ولسه هنحقق امال
ايوه ياريس
راح نفرح نغني ونرقص
بس قبل كل ده
هنسجد للمولي ندعي ونشكر
يارب كمل افراحنا
وما تشمت عدوا فينا وخيرنا يكتر...
بقلم/حسين ابراهيم
ليست هناك تعليقات:
إرسال تعليق