بقلم ميدو ميدو.sahar elgazzarبنت البرامون
لملمى يا أمى توبك لملمى
مش مقاسك خايفة تتكعبلى
ساكتة لية اصرخى اتالمى
لية من أخطائك ما بتتعلمى
لية بتعلى ال ملوش اساس ؟
والعالى فيكى بينداس
بتفرقى بينا لية؟
واحنا كلنا ولادك
وحياتنا فدا حياتك
نفسى يا أمى
يجى اليوم
ملاقيش حد
من اخواتى مهموم
ملاقيش فيكى عاطل
ولا واحد متغرب
والبعيد يجى ويقرب
احضنينا احتوينا
علمينا ما تقسيش
ده احنا غلابة
وعايزين نعيش
وبنرضى بقليلنا
وال بزعلنا ان خيرك
رايح لغيرنا
وبرغم كل دة
بنعشق ترابك
وواقفين على بابك
حراس بنستنى الندهه
جربى بس تقولى
يا ولاااااااادى
حتلاقينا أيد واحدة
يا بلاااااادى
كل ولادك لوعايش
فى عشة ولا فى قصر
هيقولك افديكى بروحى
يا حبيبتى ياغالية يا مصر
ليست هناك تعليقات:
إرسال تعليق