;;;;;;;;;;; قوة اخلاق ;;;;;;;;;;;
هي القوه خلاص عضلات
اضرب واكسر رجله وايده
ولو اقدر اهرسه لفتات
شغل فكرك مره وعيده
رد بصوت بالع عجلين
يغلط ليه ويمد لسانه
دانا نفسي اقسمه نصين
وازله وأطربق دكانه
لم وهدي وخلاص روق
د سأل عادي يا عم عرفت
لازم يعني فيا تبّوق
د كارثة ايه اخلاق زفت
اسمع مني وارمي البحر
لا تعبر ولا حتى تهينه
خليك تلج ف غز الحر
وسيبه وامشي هتطلع عينه
عود اخلاقك تتعالى
وتعدي فوق الكل وتنسى
بكره هيندهلك وتعالي
هيصالحك اياك لو همسه
واتقل سيب اخلاقك تسبق
كلمة جبن ازاي هيقولها
طيبة قلبك طبعا اسبق
افكارنا قديمه نعدلها
بقلم مصطفي احمد
ليست هناك تعليقات:
إرسال تعليق