عسى صاحبي يومه نوى البعد والفراق
يسمح علي الشان ويسهل دروبه
وأنا والله ماني خاين العهد والميثاق
لكن الليال القشر لاشك مكتوبه
كتبت الشعر ماني على شوفته تواق
أعد القصايد بين.. طرقه ومسحوبه
يدور الزمان وقلبي مايرخي الأشواق
ونار الغلا في.. داخل القلب مشبوبه
على صاحب ٍ قلبي على طول له خفاق
وكل القصايد دايم ٍ.. تنحني صوبه
زمان ٍ على وصله أجر القدم والساق
وأنا روحي امن.. الشوق والهم مسلوبه
انا خاطري بالبعد والهجر ما ينطاق
وعيني تهل الدمع.. كل يوم مغصوبه
عقب ما الجفا لوح علي لمعت البراق
غدت لذة ٍ بالنوم.. عن عيني محجوبه
عسى الله يفرجها على صدري اللي ضاق
ويغفر خطاء عبد ٍ.. كثيراتن ذنوبه
شنيفي الماجدي
ليست هناك تعليقات:
إرسال تعليق