!!!!!!!;;;;;;سماح;;;;;!!!!!!!!!!!
مزلول يا طالب السماح
طاب ليه الغلط م الاول
اوزن كلامك ترتاح
والغلب عنك يتحول
وانا جدي قالهالي حكمه
الناس عضلات ومشاعر
عضلات تقويها اللمه
ومشاعر الجرح الواعر
يا جدي علمي اسامح
القلب اسود تقفيله
يدوب غلطه امبارح
حرمت حتى اشكيله
واخبي يسبقني ويبكي
ويزعل ويلوي كمان بوزه
العقل راكن راح يحكي
سماح الناس راح اعوزه
والجد بص ومستغرب
ازاى وقلبك كان ابيض
فتت وما تشلشي وقرب
د الشيله محتاجه كام يد
واكتم ولاتعاتب وانسى
وركز ف موقف كان راجل
ومد كتفه ولو سنده
قريب هتحتاجه وآجل
مصطفي احمد
ليست هناك تعليقات:
إرسال تعليق