حقوق النشر محفوظة
-----؛
مهما أقول
-----------؛
مهما أقول وأعيد ف كلام
ومهما يجينى من الهام
مش بيوفى الوصف جمالك
ولا بيكفى ... اى كلام
أن قولت ف سحر عيونك
ألقى عيونك هى السحر
وأن حبيت اوصف ف جفونك
ما يكفينى ما فات من عمر
ولما الاقى شجن ف سكونك
تبقى الدنيا الام ف الام
ياللى كل جمالك أية
ومش بيكفى اى كلام
-----؛
وأما البدر يهل جبينك
ألقى عيون الكل وراكى
وبتكوينى عيون حاسدينك
بس اطمن ..لما ألقاكى
عيونك نورها بيعمى
عيونهم عنك
وف سرى اصلى واسمى
على ضحكة سنك
والدنيا من فرحتها
بترقص على خطى وأنغام
ياللى كل جمالك أية
ومش بيكفى .. اى كلام
-----؛
بقلم /عادل شعبان
ليست هناك تعليقات:
إرسال تعليق