إبتسامتك - غنائية من كلمات عزت عبد العزيز حجازي

إبتسامتِك غنوه نيلى.ِ.

تغنى ِعن كل الكلام..

والحنان اللى فى عنيكى..

يكفى عُشاق الغرام..!!

**

يا ملاك ع الأرض ويلى..ِ

من آنين الشوق قوليلى ِ..

إمتى يسمح يوم هَديلى..ِ

يدُق بابك بالسلام..؟!

**

كل قلب وله خليلُه..

من ميلاد الكون لحينُه..

وانتى قلبك فين حنينُه..؟؟

ليه تسوقى فى الملام..؟!

**

رعرعى ِقلبى بنظره..

زهزهي ِعُمرى بهمسه..

هَدهدى ِليلى ِبلمسه..

لجل يصفالى ِالزمان..!!!!