أنا مِش حَجَر
ولا عمرى يوم راح اكون
أبداً حَجَرْ
مِشْ هَابقَى صورة بتِتْرِسِم
ولا هَبقَى
سَطر من الخَبَرْ
مِشْ هَابقَى جنبك
منتظر
و تحددى إمتى السَفَر
أنا مِش حَجَر
أنا رُوح ..كَيان ..
قلب بشموخه ما ينكسر
* * *
أنا كلمة رسمت فرحتك
عالوش
بانِتْ عالوَرَق
أنا نُور
ونَوَر ضلمتك
فوق صورة عِشْقِت تِنْحَرَق
مش هارضى أبداً
ضِلِتِك
ولا جرح قلبى اللى انسرق
* * *
أنا روح و دَبِت
جوا قلبك
جوا نبضك
بالحنين
أنا ضِحْكَة رِجعت
فوق شفايفك
بَعد ما راحِت سِنين
أنا اللى توجتك أميرة
آدى الخلاصة
ف كلمتين
ـــــــــــــــــــــــــــــــــــــــ
خربشات عامية بقلم
د/جمال عبد الله
15/5/1016
ليست هناك تعليقات:
إرسال تعليق