كراكيب كراكيب كراكيب
هى الدنيا كراكيب
حبة أشواق على حبة ذوق
على حبة خوف..
على حبة عيب
بالفوضى ماشية ساعات
وساعات ماشية بترتيب
وساعات سهلة بنلقاها
وساعات فك وتركيب
وإن جيت تسأل أو تفهم
ما هتلقى حد مجيب
والناس عيشاها وماشية
ولا تعرف إيه الغيب
منهم عايش على أده
والرزق يادوب فى الجيبأحمد السحراوي
وفى ناس عايشين بالباطل
بالسرقة وبالتهليب
وفى ناس بتراعى ضميرها
والمولى عليها رقيب
أصل الدنيا بكراكيبها
الحق معاها غريب
وزمانا بقا حدوته
وحياتنا فيه تعليب
مابلاش تحسبها وعيشها
بالمعنى وبالتقريب
افرح إزعل.. اغضب اتعب
أهو كله قدر ونصيب
وبلاش تيأس أو تهرب
أوتعمل فيها حسيب
خليها على الله ياسيدى
هتلاقى فرجه قريب
أصل الدنيا بطبيعتها
كراكيب كراكيب كراكيب
بقلم \أحمد السحراوي
ليست هناك تعليقات:
إرسال تعليق