فاطمه خاطر
هوه انت قلبك ده حجر
والا انت جني ومش بشر
ازاي بتقدر تبتعد
وتبان لي فجأه كما الشرر
هوه انت قلبك ده حجر
احتاج اليك بتصدني
واجري عليك بتردني
محتاجه حضن يضمني
والدمع من عيني انهمر
هوه انت قلبك ده حجر
ليه لما اقرب تبتعد
والقرب منك ليه خطر
ياللي انت غير كل البشر
هوه انت قلبك ده حجر
الشهد ليه وياك مرار
والجنه ليه بتبقي نار
وتملي دمعي يحلا ليك
وان كان سيول واللا نهر
هوه انت قلبك جنسه ايه
دانا شفت في هواك العبر
ياللي انت غير كل البشر
هوه انت قلبك ايه حجر
اشعار ا/فاطمه خاطر
ليست هناك تعليقات:
إرسال تعليق