حاجه تبقالها حسين ابراهيم

عايشة سنين في مرار
ذليلة ومقهوره
عايشه في وهم
أن الليل
عمره مايجي بعده نهار
العمر يمر
وهي في مر
قلبها عمره ماداق الفرحه
يوماتي تنضرب وتنشتم
ماتطلعش الصرخة..
شايله الهم ويا الغم
ليل ونهار عايشة في نار
ماشيه في سكه ضباب
كلها ويل وعذاب
تأن الارض تحت الخطوة
شمس وفاردة شعورها بقسوة
السما حنت يومها عليها
ماشية وسحابة تظللها
نزلت مالسما امطار
تغسل روحها
تشفي جروحها
وتبللها..
زاحت عنها هم مكبلها
رفعت ايديها للسما
تملاها تشرب في مطرها
رجعت روحهاالناس بتبص عليها
مستغربه
ليه المطر بس حواليها
دخلت بيتها وهي لاول
مره
فارده ضهرها ورافعة راسها
خلعت توبها
وفردت شعرها
وف مرايتها شافت روحها
رغم سنين القهر وعذابها
لسه محتفظة بجمالها

بصت مالشباك عالدنيا
كانت الشمس لمت توبها
ومالت لغروبها
قالت لنفسها
مافيش تاني هروب
عاشت عمرها كله بتدي
دلوقت لازم حاجة تبقالها...