مول الإنسان
فى كل وقت وكل أوان
اسجد وأشكر بالعرفان
معقولة يعنى أصحى وأنام
والاقى مولى سليم وتمام
والأجهزة شغالة كمان
بدون توقف او عطلان
دى الصحة من عند الرحمن
يمنحها يعنى بدون عنوان
واللى فى قلبه برده إيمان
يسجد ويشكر بالعرفان
دى الاجهزة فى الجسم كتير
كمول مجمع بالملايين
بتشتغل وبدون تغيير
يصونها ربى وهو قدير
ممكن دى تعطل كده بالدور
وتروح بسرعة على الدكتور
واخدها من ربى أمانة
وعلاجها مركز لصيانة
والشافى هو الرحمن
يشفى اللى قلبه كله إيمان
والمول فى جسمك كده مليان
بالأجهزة وغيارها كمان
ليها وظائف للإنسان
تعطل تحس إنك عيان
ولما تصحى تلاقى تمام
تسجد وتشكر بالعرفان
مركز صيانة الاهية
بصورة يعنى يومية
ده طبيبنا هو الرحمن
بقدرته نصحى وننام
والطب جزء صغير معلوم
من رحمته وكتاب لعلوم
والأجهزة أسمائها كتير
دورى يضخ الدم فى سير
وهضمى بيهضم أكل كتير
وعضلى يحرك العضلات
وعصبى بيضبط الانفعالات
وتنفسى فيه شهيق وزفير
وبولى يخرج سم كتير
واسلاك شعيرات دموية
ومصانع خلايا دورية
بدقة ونظام كده بيسير
يوماتى يعنى بدون تغيير
سبحانه ربى عظيم وكبير
منحة وقدرة الاهية
وآيات عظيمة كونية
وكأن جسمك هايبر مول
بالأجهزة شغال على طول
أحسب وأعرف يا ابن حلال
الاجهزة فى المول ده بكم
ثروة وآية للإنسان
بالفكر تسجد بالعرفان
ولو جهاز يعطل يا سلام
الطب بيحاول بايمان
ولما تموت يتقفل المول
والأجهزة تعطل لا تدوم
خالق عظيم هو القيوم
وفضله باقى كده بيدوم.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق