قصائد قصيره (28
بقلم السيدابوطاحون
*********
وقف القلم ماعرفش يوصفها
و الورد يرقص لما بيشوفها
يبوس ايديها ويغرق في
هوا عنيها ويتمني شفايفها
*********
كنت بحلم انك انت
تبقى حته من جنوني
لما اعدي عليك وأهدي
تجري تهرب بين جفوني
*********
اه يا جميل المحيا
بنظرته بس ليا
لما شاور لي وحيا
سحر قليبي وعنيا
*********
عيونك فيها حنيه
تهدي البحر لو ثاير
لسانك شهد ملاغيه
تصيد الطير لو طاير
*********
بتخبي ليه عيونك
يا ام العيون عسل
يوم القمر ما شافك
خجل وقام نزل
*********
ابتسامتك فبها سكر
ضحكتك بستان منور
والعسل غار من شفايفك
لما بيبوسك بيسكر
*********
طب اعمل ايه
وهمسه عين
خطفتني
وتهت هناك
ومش عارف
طريقي منين
ناديت على قلبي
كان سابني
في غمضة عين
بقينا واحد
ومش اتنين
*********
أنا افتكرتك ملاك
تعبت قلبي معاك
لففتني الافلاك
مشتني ع الأشواك
وطلعت مش ساهل !
*********
ضحك لي قلبي
وقالي الحلوه هتسامح
من كتر غلبي
انا المجروح بقيت جارح
*********
سمحتيلي دخول قلبك
صباحك حب
وكل ورده في دربك
بقالها قلب
*********
بس انا سامعك وشايفك
كل همسه من شفايفك
كل ضحكه من عيونك
عمري ما أقدر مره اخالفك
*********
نفسي ازور السحاب
واسكن فى أعلى جبل
واخد حبيبي اللي غاب
بحر الغزل والقبل
*********
ولا كل من ركب الحصان خيال
ولا كل من دخل السجون محتال
لسه الظروف بتهد منا الحروف
والخوف بيحاول يقتل الابطال
*********
#قصائدقصيره (28)
ليست هناك تعليقات:
إرسال تعليق