……………… كان زمااااااان……………
كان ياما كان.… . وكنا زمان
بنتواعد ونتقابل
وانا السلطان.…… في قلبي حنانا
بيطرح ورد وسنابل
وشوق بيزيد…… وحب يفيض
يكفي الدنيا وزيادة
غنا وتغريد…… ولحن جديد
يترجم حبي لعبادة
وانا عصفور…… . بالف وادور
علي البساتين وأغصانها
يفيض النور……… نجوم وبدور
علي الدنيا وسكانها
…………
وفجأة صحيت……… في لحظة لقيت
حياتي اتبدلت لجراح
ورحت وجيت……… كتير مالقيت
غير الوحدة مسا وصباح
وكنت أمير……… وحب كبير
هجرني وسابني للأيام
ماعادش عبير……… ولا تفسير
لهجره ولا سبب لخصام
والومه ليه……… وذنبه ايه
مانا طيب……… وانا الغلطان
خلاص حالغيه……… ماافكر فيه
وحاوهب قلبي للنسيااااااان
………………… جمال الشاعر
ليست هناك تعليقات:
إرسال تعليق