الإنسان لسان
عجبى على ضعف الإنسان
فاكر بظلمه يعيش فى أمان
ويفترى ويزيد عدوان
يفتن ويكذب كده بلسان
وبجاه وسطوة يجيب فى المال
ويفتخر بالقتل كمان
ويسخر السحر والجان
ويخترع فى سلاح فنان
صاروخ مسدس نووى كمان
بيبيد ويهلك ايا ان كان
إنسان نبات حتى الحيوان
ويقول شوفونى أنا فنان
وهو رمة خسيس وجبان
نسى إنه مخلوق كده فى زمان
عشان ده يعبد للرحمن
يسجد ويشكر بالعرفان
وبفضل ربه رحيم رحمن
عايش بصحة وقوة كمان
وفى لحظة واحدة فى اى مكان
يمرض ويصبح فى التوهان
ويفقد فى نعمة كانت له زمان
فى كبره عبرة وحسرة كمان
ويتخلى عنه أهل وخلان
ويقولوا رمة كده إنسان
شيخوخة قاسية وسوء لختام
حتى التحكم فقده كمان
مرض زهايمر بس لسان.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق