((أنا مستغرب))
متستغربش لأ مستغرب
لما تلاقى اللى يشوفك قام متكهرب
واللى طول عمره بيتمنى إنك تقرب
نفسى يشوفك وإنت شمسك تغرب
يبقى أكيد لازم تستغرب
متستغربش لأ مستغرب
لما تحس بصحبك برخيص بايعك
ولان جمعتكم قعده مهوش سايعك
بعد ما كان لأى كلام يجرى ويبايعك
ضيع وعده معاك وف ثانيه أتهرب
يبقى أكيد لازم تستغرب
متستغربش لأ مستغرب
لما تلاقى ناس تعرفهم باعوا هواك
كانوا زمان كلمه تخليهم يجروا وراك
شوف دلوقتى فرشوا ارضك بالاشواك
ياما من شهدك كنت تشرب
يبقى أكيد لازم تستغرب
متستغربش لأ مستغرب
ياما العقل حاول يراجعنى ولا اصدقشى
ولافعلهم اعمل إنى انا جاهل ومبفهمشى
وان مرت نسمه هفهف توبهم ماتحملشى
شوف دلوقتى عملوا قلبى كورة ومضرب
يبقى أكيد لازم تستغرب
متستغربش لأ مستغرب
سعيد عباس الضو
ليست هناك تعليقات:
إرسال تعليق