سعيد عباس الضو

متشكر جدا ع الواجب 
أسلوبى طبعا مش عاجب 
تكلم بالعين والحاجب 
والشيشه عماله تشاغب
انا فايق وانت السكران 
والعمر رايح مش جاى 
وغزاله بتشرب الشاى 
والدب بيعزف ع الناى 
بدماغك إنت توهمنى
وبكذبك قرب طمنى 
ودماغك مش هتعلمنى 
ولا خمرك عارفه تلهمنى 
للباطل عايزه تسلمنى 
وأنا جاهل طبعا بالدين 
والجبه مليانه تعابين 
وحلايب تشكى لشلاتين 
اعلامك أبو عقل تخين 
ولسانه زى السكاكين 
وف سمه زى التنين 
ف النشرة وأخبار الحب 
ف (سما)ها عماله دب 
تدفنا في غياهب الجب 
إعلامى عمال بيسب 
وبيشخر على حبه لب
وكلامه دايما ألغاز 
وفاتح انبوبة بوتجار 
والريحه تشبه للجاز 
وبلدنا ماشيه بعكاز 
بصدر طبعا الغاز
تستورد مليون فنطاز 
ومراكبى بأديه الدفه 
والأمة عماله تتكفى 
ويهود فينا بتتشفى
وبلطجية قايمه بالزفه 
عملالنا حبه إنجاز 
ياشعب مدمن للعار 
بيغنى اغانى ع الطار 
والله بحبك يا حما

ر 
وبيسهر بالليل في البار 
ونهاره نايم ف الغار 
ويصلى صلاته ف أوكار 
وبيفطر ع مزه وكافيار 
وحلمه يمسكله سيجار 
لو عايش زى الصرصار 
والشهدا راحوا وراجعين 
ف السكة بقينا تايهين 
ع القهوه دايما قاعدين 
ومعانا غزه وحطين 
وغلاوتك يانور العين 
لاوهبلك من عمرى سنين 
وازرعلك قلبى بساتين 
يطرحلك غله فدادين 
وارويك بدموع العين 
ونجومك يبقوا صاحيين 
لو حتى ولادك نايمين
سعيد عباس الضو