مر الزمان النقى
وبقينا فى زمن عبيد
وأصبحنا احط الأمم
وشخشيخه في الأيد
لبسنا كمان العمم
وغيرنا بالطبع القيم
ومعاها برضه الزمم
وبقينا شعب جديد
شعب متمدن
بيحافظ الاتيكيت
بره مش ف البيت
لو قطة عديت عليه
يتدارى قوام ف الحيط
ولو شاف صرصار
يرقع بأعلى الصوت
ويخلى صحبه يبوس المدام
مهو برستيج حكام
وأوعى تقول إسلام
لا يحسبوك رجعى
وتتعد م الأغنام
ومدام مشينا خلف الغرب
وغيرنا تاريخ العرب
إيه راح يسر القلب
وطول ما إحنا شايفين
إن الأمر ف أيديهم
ف هنعمل اللى يرضيهم
ونعيش خدامين ليهم
والعبد ملك لسيده
طول ما بيخدم مصالحهم
يهووا الحبل من ايده
وعند مايقول اطلع قدام
تتغير الأحكام
وتتعدل الأفكار
وهى بالطبع موجوده
وإحنا قطيع أغنام
وهوه اصله ديب
يخلينا نخلص بعض
ويجى زى الرعد
وتبقى ليله السعد
ياكل ويتهنى
ويعزم كل حبيب
ويقسموا التركة
ع الأهل والخلان
إنت تحرض فلان
وإنت تقاطع علان
وإحنا ننفذ اوامر
م إحنا قطيع خرفان
سعيد عباس الضو
ليست هناك تعليقات:
إرسال تعليق