(الرياضه اخلاق)
يا كوره ____يا عوره
يا مفرقه __الأصحاب
ساعات ___ مسعوره
ومسودنا____ هباب
وشبابا يناس مسكين
قلبه وراها ___داب
ياريتنا_____ نلعبها
تبقى اسمها_ رياضة
تقوى ____أجسامنا
واخلاقنا __يا ساده
ونتعلم ___التنافس
وأخوه ____وعبادة
وصى بها سيدناعمر
وغيرها ____وزياده
سباحة ____ورمايه
وكمان ____فروسيه
إنما تكون____ لعبه
مشهورة ____دوليه
وليها آلاف __ قنوات
ارضيه____و محليه
وغيرها____ فضائية
وخلوها____ تجاريه
مكسب لناس_ تانيه
بيحسبوها ب الثانية
وإحنا ولا__ فاهمين
قاعدين ولا _حاسين
تايهين ولا __عارفين
وتملى ____مختلفين
مقسمينها ____اتنين
الواده _____أهلاوي
لأ دا _____زملكاوي
ياما شبابنا ____مات
بسبب _____ماتشات
والكل _____مصراوى
ولاد وطن____ واحد
وإلهنا الاه ____واحد
هنا وهناك اهو_ قاعد
راسم على___ الساعد
ومجهز شويه _.طوب
لما يكون____ مغلوب
والخصم راخر محضر
وهيقع فثانيه_ المقدر
ياناس خلونا_. نتعلم
ازاى بقى _ _ _نسلم
إن دى لعبه ومعروفة
لابد فيه_____ غالب
وبالطبع فيه .مغلوب
تعالوا يالله __تتوب
عن المشى بالمقلوب
وبلاش لعبه! تفرقنا
وكفاية علينا. ذنوب
سعيد عباس الضو
ليست هناك تعليقات:
إرسال تعليق