دا موسم الحصاد
عندنا بيقى عيد
ننتظره م السنا للسنا
نفس المواعيد
ولما تطيب السنبله
الخير يزيد
كأنك ف اوضه مضلمه
واللنضه تقيد
وحلم عاش فى قلبنا
وفى يوم سعيد
واليوم بيتحقق لنا
أصبح اكيد
جبنا مناجل حاميه
واسنانها حديد
والميه جاهزه مثلجه
ف قله بإيد
بنشد ايدنا بعضنا
ونغنى مواويل فرحنا
ومعاها نحصد قمحنا
يوم الحصاد بيبقى عيد
شعر
سعيد عباس الضو
ليست هناك تعليقات:
إرسال تعليق