لو كان نصيبك ليه فاته
جانى واهله معاه واخواته
وطلب ايدى وهبقى مراته
وامى هتبقى بجد حماته
وانتى بقيتى مجرد واحده
مالكيش اى وجود فى حياته..
ياما حاولتى توقعى بينا
عارفه اكويس مهما ازعلنا
اوطال حتى مابينا خصامنا
عشقنا اقوى ف كل حالاته..
واهوجه خاطبنى وهبقى مراته
وامى هتبقى بجد حماته
وانتى بقيتى مجرد واحده
مالكيش اى وجود فى حياته..
☆☆☆☆☆☆
ياه على قلبك طبعك قاسى
كنتى حبيبتى صديقتى وناسى
خنتى العشره وهان اخلاصى
كله بيرزق على نياته
واهوجه خاطبنى وهبى مراته
وامى هتبقى بجد حماته
وانتى بقيتى مجرد واحده
مالكيش اى وجود فى حياته..
☆☆☆☆☆
كلمات/عابدالله البارى حجازى
مصر العربيه
وشكرا للساده الافاضل والمبدعين
القائمين على انجاح هذا المنتدى الفكرى الرائع
ليست هناك تعليقات:
إرسال تعليق