.صفوا قلوبكوا..... - شعر خالد عبده

.....صفوا قلوبكوا.....

صفوا قلوبكوا لبعض تعيشوا

احلى سنين العمر ساعات

خلى الحب يعيش فى قلوبكوا

ويبعد كل عزول وآهات

خلى قلوبكوا صافيا لبعض

ليه بتقولوا فى بعض كﻻم؟

أيه نساكوا حب زمان؟

يوم ميقول الواحد آه

يجى الكل ويبقوا معاه

ليه ما تصفوا قلوبكوا لبعض

لما الناس على بعض تقول

كلمة حب وخير وسﻻم

كل أﻻم الدنيا تهون

حتى الصعب ملوهش مكان

خلى قلوبكوا صافيه لبعض

هو ميعاد الحب ده فات 

وﻻ الحب ده له اوقات

لما يفكر يوم يناديكوا

هيكون عمره عدا وفات

صفوا قلوبكوا لبعض تعيشوا

احلى سنين العمر ساعات

.....خالدعبده.....

22 2 2016