إستحاله
إستحاله قلبي يعشق حد
غيرك مره تاني
إستحاله غصني يطرح برا
قلبك ورد حاني
إستحاله أنسى أدندن
لحن عودِك في الليالي!!
**
مهما قالوا وعادوا عنك
مهما خبوا غرامي منك
إستحاله قلبي يسأل يا
حبيبتي ليه بعاني؟
إستحاله إني أجرح ثقتي
فيكي طول زماني!!
**
وردتين حبي وحبك
جنتين قلبي وقلبك
يبقى ناقص إيه يا روحي
من أمالي ومالأماني؟!
يبقى فاضل إيه يا قلبي
من زماني ومن أماني؟!
إستحاله
****
من أشعار
عزت عبد العزيز حجازي
الغنائية
ليست هناك تعليقات:
إرسال تعليق