(أنا بحزن م السما)
أنا اكتر واحد بحزن م السما
وقت الصعود إنقطع حبل الوصال
مكتوب علي جبين الفرح أسرار
مرسوم علي حد القلوب المظلمه.
ومشيت بحج بكف روح الكون سنين
لقيت براح الحزن مش سايع
والقلب وسط السحب مسجون ضرير
والهجر حاصر فرشتي م الجبهتين
وابات أنادي الحب مش سامع
واصرخ بأعلى صوت ..وارفع إديا لنجوم
ترسل هموم !!!!!!!
وارجع أخاف جوايا أشجان مغرمه
هو احنا فعلا جو روحنا مجروحين
ولا احنا فعلا وسط شوق متسلسلين
ومشيت طريق العشق متحاصر
لقيت عيون الارض مش شايفه
قربت صوتي م السما
لقيت ليالي الخوف بتحضن سكتي
وجريت كتير
وسالت شمس منوره
السكه فين
ردت دموع... وعنيها تحضن صوت سراب
لو كان إله الحب ف الارض متحكم
مارجعت من سحر الوصال جواك أنين
فاسجد ضنين
ورفضت أستسلم
للموت وانا بحلم
عديت علي بحر الفراق
لونت قلبي بشمعتين
مهما ليالي الفرقه بتألم
هفضل أعيش الحب جواك الف دين
بقلم : ياسر_التومي
ليست هناك تعليقات:
إرسال تعليق