تصدق
طلعونى معاش
اوباش
مجاش
فى الحفله
غيرى
انا المرغم
اشيل جزمتك
بزمتك
مش هيافه
القفا الوارم
دوس
والبوس
وحضنك الدافى
على كتافى
طلعانه روحى
من نافى
والف وادوور
زى الوابور
وف سهرتك
حنطور
مكسور
يانفس مكتوم
امتى القيامه
تقوم
علشان يخش
الحمام
النار
اصله م الثوار
انا لامؤاخذه
طلعت حمار
ماتسكت
قدامك عليقك
بل ريقك
وعيش
من امتى
الحمير
بطلعلها الريش
الصبح ماله
بيرتعش
م الخوف
والا م السقعه
هى ناقصه
فقعه
بلاش دروشه
وفوق
لاحسن تقع
من فوق
وتبقى هى
الوقعه
شخبط
ع الحيطان
وان حد شافك
قولهم
نوبة جنان
واقلع وشك
الميت
وارسم فى بكره
اللى مش جى
ميت بينفخ حى
الفجر طالع
نى
حبسوك فى سجن
الضى
كمل المشوار
يمكن تلاقى
نهار
تاخد نفس فيه
او تندفن فيه
او يفطموك
صبار
او يفطموك
صبار...........
شعر
اشرف الشناوى
البرامون
ليست هناك تعليقات:
إرسال تعليق