_______(مش عارفه راحه فين)...........قلم... .ايمان حمدي
تحت الثرايا بالبيت القديم
عيون هنا متعلقين
ومن الحب طلت بالحنين
وبالذكريات غرقانين
عيون صبايا بتتكلم بالآنين
لا هي فاهمه ولا عارفه إيه اللي جرا
ومين ساب مين ومين فضل مع مين
وسطور من بين إيديا هربانين
ومساحات من البعد شاسعين
وفضلت أنا مع الصبايا
وفضلت عيوني متعلقين
بذكريات وحنين لماضي كان هنا
ولا فاهمه إيه اللي جرا
ولا عارفه مين ساب مين ومين فضل مع مين
ورجليا هنا متكبلين
مش عارفه أمشي ولا أكتب عن الحنين
وعيوني غارقنين من ذكريات حب حزين
أنتهي وأنتهت معاه السنين
وفي النهايه بقيت عصفور حزين
بغرد أغاني من الحزن مؤلمين
قلم ايمان حمدي شرف
ليست هناك تعليقات:
إرسال تعليق