خذها نصيحه يا عم وركز
مهما تذيد القوة تعجز
ما تفكرش ازاى راح تنجز
خلى السهم فى قلب المركذ
العضلاة منفوخه على الفاضى
حشو اسفنج وقماش عادى
حتى اللبس كلبش وجبس
وجواه رخو تقولشى ذبادى
صاحب الحق عنيه بتبرق
وكل كلامه ناشف بيشرق
ناقصه العقل اللى راح يفرق
بين الراجل وبين السادى
الثعبان ليه فن فى صيده
لف القدم بلف وعيده
وبعد ما يعرف انه اتمكن
شق اجناب الفك وذيده
ناغش البرص بشبشب عادى
وخلى فى ايدك حاجه حدادى
لما يحس الذاويه امان
اعرف ان الصيد بقى واتى
خذها نصيحه وركذ حبه
فين فى الثمره تكون اللبه
وليه البرعم ماسك النبه
وايه يغزيه وعلى ايه ييتربى
شل الجزر نشف بير
ما تهبش فى فرع الشجره
شجر الخبث شوكه كثير
وايه راح تعمل ليك الحجره
خذها نصيحه يا عم وركز
مهما تذيد القوة تعجز
ما تفكرش ازاى راح تنجز
خلى السهم فى قلب المركذ
بقلم محمد البلاط
ليست هناك تعليقات:
إرسال تعليق