انا لازم ابطل آكل عيش
وأخس كتيير كده علشان اعيش
دا التخن ملاني آلام وهموم
ولا لاقيه مقاسي ف اي هدوم
وباعاني منه في صحو ونوم
ورغيف في الطاقه مابيكفيش
انا لازم ابطل آكل عيش
مش هاكل كشري ومكرونه
ولا هاكل محشي ولا صواني
وهاخلي اكلتي موزونه
علشان من تخني انا باعاني
وراح اكل فاكهه وخضار
وهابطل لب وسوداني
وراح ابدأ امشي يوميا
وهاكتر من شرب الميه
وعشايا هايكون زبديه
حتي ان كانت ماتشبعنيش
انا لازم ابطل آكل عيش
اشعار ا/فاطمه خاطر
ليست هناك تعليقات:
إرسال تعليق