الصراع الاسرى
=========
من صغر سنى باشوف خناقات
بين امى وابويا كده بالذات
وسببها يعنى اكيد تفاهات
تزيد وتكبر بالخلافات
وكنت ادعى لساعات وساعات
يهدوا شوية ولو فترات
وابويا بيجيب فى احتياجات
وامى دايما ليها طلبات
وتشتكى من نقص فلوس
وتوصف جنابه بالموكوس
تعليم واكل وشرب كمان
كله بيغلى مع الايام
ويديها يعنى فى المصروف
تقول له انت مش مكسوف
ويشتغل ليل ويا نهار
وتقول له برضه دليلى احتار
وقلت يعنى عشان اجتاز
كل المشاكل بلاها جواز
واخواتى خمسة فى الدوار
والخير ده شاحح ليل ونهار
وستى بتنصح امى كتير
عيال كتيرة تجلب خير
ويشيل همومهم كده على طول
وتربطيه ويصير مسئول
والرزق اصبح كده محدود
والجودة برضه من الموجود
واخواتى نومة مش لاقيين
وخناقات مابينا بشكل كبير
والغيرة صعبة بدون تفكير
ومافيش مخدة ولا حتى سرير
والاكل وجبة فى طول اليوم
بفول وباقى عشانا نوم
ولو مرة يعنى كان كشرى
يبقى صراعنا اكيد اسرى
مكرونة رز وعدس كمان
وتقلية طازة وصلصة جنان
وحلفت عمرى ماحتجوز
ولا اجيب عيال وافضل اعنس
خلافات كتيرة مع التلكيك
تهدم فى عيلة مع التفكيك
والفقر والجهل بالذات
اصل الصراع والمشكلات.
مع تحيات الفقير الى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق