غريق بأهاتى نجونى
فى عينك ليه مغرقنى
لا بتريحنى فى ظنونى
ولا منهم مخرجنى
تايه فى عيونك ورمشك
بحده القاضى ذابحنى
يا تاخد قلبى فى حضنك
يا تبعدهم تريحنى
بحبل الشوق مربوطلك
تلففنى تدوخنى
هصون الود واعاهدك
بحبك وانت عارفنى
كفايه انى اشوفك
بدون عينك ما تكشفنى
وارحمنى من عيونك
ويكفينى تكلمنى
ونكس حبه سيوفك
بتقتلنى بتذبحنى
ولم شط جفونك
ولظنونى تريحنى
غريق بأهاتى نجونى
فى عينك ليه مغرقنى
لا بتريحنى فى ظنونى
ولا منهم مخرجنى
بقلم محمد البلاط
ليست هناك تعليقات:
إرسال تعليق