هفحفر على اللى فات وراح
مش هرتاح
لحد ما ينطق الظالم
مين القاتل مين السفاح
مين اللى فاكرها ارض براح
بيبرطع وانا كاتم
مين اللى ناهب خيرها
باع نيلها وسارق منها مناجم
مين اللى وضوئه كان بالدم
وعابد رب مش موجود
ولا عاقل فى يوم بيه اهتم
مين اللى للشيطان ساجد
وللى بيمنع الاذان
محب ولاجله بيعاند
مين اللى عينه طاقه شرار
على كرسى
شعلها نار قتل ثوار وهادد
مين اللى قال مش هسيبها
يا املكها يا اعذبها
مين اللى قدمه جاى بالشر
على ايديه جيه خرابها
مين اللى جوع الغلبان
زاد الفقر على التعبان
دمر دوله شيبها
مين اللى خد فلوس الناس
لبسهم طاقيه نحاس ودوبها
مين البياع
لوهم وشىء اسمه بتاع
مين اللى بداها بالكذبه
ووهم الخلق انه شجاع
مين اللى خلي مجموعة
بقت لعيوبه شماعة
فى ساعة نصبها نار وصراع
هفحفر على اللى فات وراح
ومش هرتاح
لحد ما ينطق الظالم
مين القاتل مين السفاح
مين اللى فاكرها ارض براح
وبيبرطع وانا كاتم
مين اللى قال فركة كعب
عشمهم يخوض الصعب
بعد ما قلب جيوبهم
عمل عبده العبيط فى الكمب
مين اللى الناس قالولوا غور
عاش الدور بأنه الحب
سلاله زرعت الفتنه
بتوزعها على الشعب
مابين مسلم ونصرانى
وبين سنى وعلمانى
وبين ورثة السلطه
وبين ما يقال اخوانى
عايشين دور رجل مسطول
عامل درويش ربانى
مين القاتل مين السفاح
مين اللى فاكرها ارض براح
بيبرطع وانا كاتم
بقلم محمد البلاط
ليست هناك تعليقات:
إرسال تعليق