بكتب اللى شايفاه عينى والكلام بعتبره صمت
الظنون مش راح تجينى قلبى راضى وكله حمد
مهما تصرخ او تهاتى شىء وعادى طول فى عرض
المهم اللى انا شوفته وبأديا عده عد
قولى كام وعد وعدته واعتبرته كله جد
الكلام منك سمعته بكره نبقى ناس بجد
وبأيديك وطنا بعته واللى حسه انى جوعت
بكتب اللى شيفاه عينى والكلام بعتبره صمت
كام منادى فى الاذاعه خدله ساعة وبيدادينى
يقولى اصبر على المجاعه ويعايرنى باصل دينى
طب ما تصبر ومعاك اصبر لو هتطلع منى عينى
جيبى فاضى ومعاك اخضر واعتبرته شىء روتينى
قولى مين ضيع بلدنا الا كذب الكذابين
قولى مين حلل حرام الا من علمنا دين
قولى مين حط فى خزاينه الالاف والملاين
ولا خير بلدنا ليكم واحنا بس الخدامين
بكتب اللى شيفاه عينى والكلام بعتبره صمت
الظنون مش راح تجينى قلبى راضى وكله حمد
مهما تصرخ او تهاتى شىء وعادى طول فى عرض
المهم اللى انا شوفته وبأديا عده عد
اللى ناهب خير بلدنا ليه وطن تانى يسد
واللى مقتول الغلابه واللى بيحبوها جد
بكتب اللى شيفاه عينى والكلام بعتبره صمت
بقلم محمد البلاط
ليست هناك تعليقات:
إرسال تعليق