.... صورة ....( مصطفى العيادي )

.... صورة ....

تمللي .. سايقة الدلال ..

تمشي في الحارة ..

ما تعرف .. هيه رايحة لفين .. !!

لبانة .. تطرقع في البق ..

مرة أو مرتين .. !!

المحزق .. والملزق .. 

والكعب عالي .. وكل خطوة ..

حاجات بتطلع .. حاجات بتنزل ..

ما عارف جايباهالي منين .. !!

العين .. احولت ..

واحدة شمال , والتانية تبص يمين .. !!

فضت خناقة ..

بين شباب .. من دايرتين ..

واحد مبرشم .. ما داري ..

يبص بأنهي عين .. !!

والتاني .. بقه ع الآخر ..

الشفة نازلة مدلدلة .. شبرين ..!!

وواحد أحول ..

إتعدلت .. عينيه لتنين .. !!

وغيره قاعد ع القهوة .. يشد شيشة ..

ريالته نزلت .. حبتين .. !!

وده .. مانا عارف ..

يبص بصة .. بعينه ..

والا .. بنص عين .. !!

يا داهية سودة .. حتى جدي ..

واقف محتار .. بعكازه ..

يبص فيها .. واللا فينا ..

واللا ع اللي في الشباك شايفين .. !!

( مصطفى العيادي )