زي اي حد باحلم
وحلمي والله بسيط
نفسي احس بالدفا
نفسي يبقي عندي بيت
مش مهم بيت كبير
والا عشه فوق سطوح
المهم له بيبان
بينها احس بالامان
فيها اتحامي وانام
قولوا عني اني عبيط
زي اي حد باحلم
يبقي عندي هدمتين
واحدة صيفي وواحده شتوي
نفسي اسدد كل دين
نفسي مااحياش لحظه خايف
اصل م الهم اكتفيت
نفسي اكل لقمه سخنه
نفسي اشبع م الغموس
ويبقي عندي لنومي اوضه
واوضه تانيه للجلوس
واما يوم يزورني ضيف
اكرمه بسكر وزيت
وافضل احلف عليه يجيني
تاني ومعاه العيال
وادي ليه طرحه لمراته
وشوكلاتات وبسكويت
اشعار ا/فاطمه خاطر
ليست هناك تعليقات:
إرسال تعليق