شايف ملامح شهرزاد
****
سميرموسى
******
طول عمري شايفك
نجمه ف الحواديت
وكل وصفي لحسنك
فى الحكاوى لقيته
يا شهرزاد فتافيت
وطلعتي ليا
ف المرايه بتضحكي
رجعتى ليه عجل الزمن
وقفتي عمري والسنين
وحفرتي صورتك
ف خيالي عشقتها
وبنيتي دنيا خارج الحواديت
وقفتى دوران القمر
ورسمتى بكره ع السحاب
احكيلي تانى ع الوجع
وفضفضيلي ياشهرزاد
ايه اللى خلاكي
تعودى بالزمن
هو انتى ممكن تعشقى
وتشوفى فيا شهريار
اوعى تكونى يامرايتى بتكدبى
وان اللى فيكي لمحتها
كدبه لصورة شهرزاد
ردى عليه اتكلمي
مستني تحكي يا شهرزاد
ليست هناك تعليقات:
إرسال تعليق