بجد با امي وحشاني
وواحشني حنين حضنك
حضنك كان يا امي آمان
كان يخفف الاحزان
وكنت لما اكون غضبان
تاخديني ما بين حضنك
وفي حزني تواسيني
مالك يا واد ايه شغلك
تكونش يا واد حابب واحده
انسي يا واد بلاش اوهام
ورب الكون يعدلها
وكنت لما احب انام
انام يا امي علي حجرك
وتحكي لي ده كان وده كان
لحد النوم ما يغلبني
وتطمني علي الاخوات
كل واحد في فارشه
وبعد ما يرتاح قلبك
تروحي تخلدي لنومك
وتبكي يا امي علي دمعي
تفرحي يوم تشوفي فرحي
ولما الرب وصانا علي الوالدين
كان علينا طاعة أمره
ولما كنتي تدعي لي
تتفتح لي يا امي ابواب
وفي ذكري رحيل امي
ادعي ربنا الرحمن
يغفر لأمي الزلات
ويرحمها ويسترها ويسكنها
في الجنات ......
بحق دمعة من عنها علي دمعي
بحق سهرها وتعبها علي تعبي
بحق ما اتعلمت علي ايديها آيات الله
بحق دمعة من عينها تخاف الله
بحق ركعة ركعتها في حب الله
بحق صدقة عمالتها طاعة لله
بحق حروف آيات الله ترحمها
بحق الطيبة والرحمة وتعبها وسهرها
بحق ابن لها صالح بيدعي لها
ورب غفور لعباده بيرحمها
بجد وانا بدعيلها وحشتني
ونفسي اكون في احضانها
اللهم اجمعني مع امي في الجنة
...................................
ـــــ ابــو ايمـــــان ــــــ
.. زكريا الشافعي ..
ليست هناك تعليقات:
إرسال تعليق