امي
احلي كلمه سمعتها
واحلي كلمه قلتها
واظلمها لو وصفتها
باجمل كلمه في الكون
دوايا طبطبه ايديها
وجنتي تحت رجليها
احفظها يارب واحميها
لولاها ما كنت هكون
حملتني في بطنها 9 شهور
بكيت لما شفت الطلمه بعد النور
اول صوره في الدنيا عنيا شفتها
اصرخ ابكي تمد ايدها الاقي حنيتها
حتي لما ازعلها مشفشي غير ضحكتها
امك ثم امك ثم امك ده كلام نبي الاسلام
علمتني اصلي واقراء قران قبل ما انام
كنت علي سريري احس بيها وهيا بتغطيني
مدتهاش اي حاجه وطول عمرها بتديني
سنه ورا سنه كبرت انا والدنيا بتتغير
بقيت راجل وامي بقول في عيني صغير
بر الوالدين فرض علينا امرنا بيه ربنا الواحد
نفسك في ايه يامي نفسي اشوفك احسن واحد
انا احسن واحد علشان ابنك يا اعظم الكل
مليش غيرك ومفيش غيرك عليا يطل
مش هردلك طلقه لو عشت عمري ليكي بزل
اعيش خدامك كل ايامك وعمري ما امل
لو غبتي عن البيت يوم اقلق ومشفش النوم
واحس بلهفه عليكي واتعزب يامي في غيابك
ادخل اوضك ابوس سبحتك ابوس سجادك ابوس دلابك
وامتلك الدنيا لما اشوفك واوطي ابوس رجليكي
وامتلكها بجد يامي لما ادخل بالليل اطمن عليكي
والاقيكي علي سجادتك بتصلي وتدعي ربك ليا
وتقوليلي مبتنميش غير لما انام وتطمني عليا
الله يطولي عمرك ويحفظك يا امي ويصونك
من طيبك بدعي ربي يجعل يومي قبل يومك
كل سنه وانتي طيبه يا امي يا بسلم جروحي
روحي فداكي ملقتش هديه يا امي اغلي من روحي
كل سنه وانتي طيبه وكل امهات المسلمين طيبين
قلم . محمد سالم
ليست هناك تعليقات:
إرسال تعليق