قصيدة / ( الوداع يا مازن )
بقلمي / هدى سيد
٢٠١٦/٩/١٢
مازن يا زينة الشباب
الموت علينا استكترك
مازن يا زينة الشباب
حرقت قلب أختك وأبوك
يا وردة لسه بتتزرع
وإتقطفت من قبل الأوان
عيون كتير سال دمعها
حزن وألم على اللى كان
كل الصحاب اتجمعوا
آلاف حشود بتودعك
بقلوب بيملاها الوجع
على فراق أجدع جدع
يا أم مازن إفرحى وهللى
وبالأحضان والبسمة يالا
استقبلى
م الليلة دى إبنك ف حضنك
راح يبات
من يوم وفاتك عدا شهر
على الفراق
ما قدرش يصبر ع البعاد
وكتب يقول جايلك يا أغلى
الأمهات
الدنيا فقدت طعمها بعد الممات
بالفرحة يالا استقبليه ياخد بإيدك
ع الصراط
بدموع عنينا إحنا جينا نودعه
وندعو رب العالمين بالرحمة ويا
المغفرة
مازن يا زينة الشباب بنودعك
ليست هناك تعليقات:
إرسال تعليق