ملعون أبو اللى خلفونا
ملعون أبو اللى لفلفونا
فى لفه حلوه وعلى الملاجئ لقحونا
كان أصولها يكرمونا
يكبرونا
مش فى الملاجئ نتحبس ويسجنونا
أنا اللقيد
أهلى باعو عمرى كله
فى سهره حلوه جوه بيت
أو بره بيت
إيه هيفرق
عايشين حياتنا على الرصيف
فى الشوارع تحت الكباري
ويا الكلاب وسط المجاري
وناس تحن بأكله حلوه
وناس تقول بسم هاري
أوعوا مره تكرهونا
أو تمرو فى يوم علينا ولا تشفونا
زي أبونا وأمنا نسيو إنهم فى يوم جابونا
فملعون أبونا
ملعون ابو اللى خلفونا
كلمات الشاعر
مصطفى معوض
ليست هناك تعليقات:
إرسال تعليق