كفايه .. إندبحت
ما بين أيام .. وعزّقْ فاسها
وبين سنين .. كارهه لناسها
العمر عدَّى .. ولاعمره هدَّا
ف دنيا مدَّه .. إيديها هدَّه
ولاخدت منها .. غير مُر كاسها
سنين ونازله .. ف ضلوعي نحت
لا طُلت فوق .. ولا عشت تحت
وأقول تعدي .. يمكن تهدي
وتاخد بيدي .. الود .. ودي
أصرخ .. كفايه .. أنا إندبحت
زمن وغاوي .. يبيد ويسحقْ
لحلم طاير .. كان نفسه يلحقْ
حقه ف حياه .. تحضن هواه
صبح مداه .. ينطق بآه
وبقى حلم شكوى .. تبوح وتزعقْ
أشعار .. محمدعلي النقلي
ليست هناك تعليقات:
إرسال تعليق