مما كتبت ..محمودأبو مسلم
..........يا مصر الفخر .......
يا مصر النيل والهرم ....يا مصر السلام وبلد الكرم
انا شايفك سمرا بعيون خضرا.......وشعرك نازل زى الدهب
وكلك ذوق وكلك ادب..........شايفك فى ملامح بدويه
تقوم من بالليل للفجريه......تسهر على راحة اولادها
بكل اخلاص وبحنيه........وتقومى الصبح على باب الله
تسرحى للرزق يا صبيه.........شايفك فى ملامح فلاحه
لابسه البيشه والطراحه.........وعيونها العسليه الدباحه
وطارح عالخد التفاحه.........والورد بيسكر م الشفه
شايفك فى ملامح صعيديه.........حشمه وصابره وقويه
شايله سلاحها بعزه وفخر.....وفى وسط العيله محميه
شايفك فى ملامح بنت زوات .......علم وفن وثقافه
ساكنه البرج والاهرمات ......غاويه شعر وصحافه
شايفك فى ملامح كل الناس ...والاحساس نفس الاحساس
شايفك ماشيه فى باب اللوق....... والحسين والسيده
شايفك فى العتبه الخضرا .....وعالكرنيش معيده
انا شايفك جامع وكنيسه فى علم واحد متعانقين
حاضنين بعض بكل محبه ....وعالسلام متعاهدين
شايفك يا مصر يا محروسه ...ساكنه النخل فى اعلى مكان
وحمام السلام بيرفرف .......من السويس لحد اسوان
وتفضل رايتك مرفوعه ......مهما يمر عليكى زمان
يا بلد الجود والكرم ................فاتحه ببانك لاى انسان
.................محمود أبومسلم 30 |8 |2016 الثلاثاء
ليست هناك تعليقات:
إرسال تعليق