اسمعي
ه
اسمعي دقات قلبي
وهو بينادي عليك
حسي شوقي ولهفتي
وانا بين ايديك
وامسحي نظرة عتاب
بحسها في قلبي عذاب
ليه اشوفها في عينيك
اسمعي دقات قلبي
وهو بينادي عليك
كل حلم يا حبيبي
حلمناه سوا
وكل دمعة شوق
في اشتياقنا للهوى
هتلاقيها غرام وحب
ونبض قلبي يحس بيك
اسمعي دقات قلبي
وهو بينادي عليك
اسمعي في الصبح
صوت العندليب
لما يبعتلك رسالتي
بقولك يا أغلى حبيب
كل نسمه حواليك بتسري
طايره فوق شعرك بتجري
اسمعي منها دقات قلبي
وهي بتنادي عليك
كل حاجه بينا كانت
فيها روحي بتناديك
وقلبي دايما يحرسك
ويخاف عليك
كل شمس مروحه
ببعت وياها رساله
عن حبيبي
في الغروب
قلبي ينساه استحاله
كل فجر لينا طالع
الأمل وياه راجع
كل لمسه حنينه
طيف نحسه بقلبنا
يا حبيبتي
بروحي
عمري
اشتريك
اسمعي دقات قلبي
وهى بتنادي عليك
اسمعي اسمعي
بقلم الكاتب سامح محمد حسن حراز
👂👂👂👂👂👂👂
ليست هناك تعليقات:
إرسال تعليق