Choose File
Yousry Osman
واشيل الحمل واتوكل
وباقسم بسمتى نصين
نص للصبح اللى متعاجب
ونص اعدل بيها الحاجب
---
وابقى بشوش فىكل وشوش
منا القاضى وانا الحاجب
وانا المسجون ومش عاجب
وانا اللى باكتب الواجب
-----
وقاعدنى فى اخر تخته
ودايما نفسى متاخده
ولا معايا رغيف وفطار
ولا اصلان بتاع مصروف
------
ودايما بابقى م الشطار
والسقفه ليه ملو كفوف
----
وييجى البردوايامه
يضيع من شبشبي حزامه
الاقى صاحبى كدا موجوع
واسأل اقول له ايه الموضوع
--
جايب لى جزمته برباط
تقولشى غازيه من سنباط
لقيت نفسي انفجرت عياط
لكن والله ما كانش عياط
---
دا كان صبر وجلَد منى
اخوض فى الميه واغنى
صوابعى تختفى منى
ولا شىء فى الدنيا يألمنى
----
يروح البرد ييجى ربيع
فقير لكن مانيش للبيع
ولا باسمع كلام مخابيل
وعندى سرج ومعاه خيل
وباتمختر كدا بالليل
وناس بيقولوا شهم جميل
---
وباتواضع
مانا م الارض دى طالع
انا من ام
محرومه اناراضع
--
وبإيدى باغزل الدنيا على كيفى
دا توب شتوى ودا صيفى
واخضّر زرعى بحروفى
ماتصحى يادنيا قومى شوفى
----
وبقسم بسمتى نصين
نص للشجر والناى
ونص لصاحبى اللى معاى
فى فرحى حابه يبقى معاى
ليست هناك تعليقات:
إرسال تعليق